Azərbaycan Dövlət İqtisad Universitetinin Azərbaycan Respublikasının Ədliyyə Nazirliyinə 12 oktyabr 2012-ci ildə müraciəti əsasında “Azərbaycan Dövlət İqtisad Universitetinin elmi xəbərləri” jurnalı 16 noyabr 2012-ci ildə Mətbu nəşrlərin reyestrinə daxil edilmişdir.
“Azərbaycan Dövlət İqtisad Universitetinin elmi xəbərləri” jurnalı multidisiplinardır. Jurnalın məqsədi iqtisad və digər elmlərin (informatika, sosiologiya və s.) müasir və ümumkonseptual problemlərini optimal nəzəri və praktiki uzlaşmada elmi-metodoloji cəhətdən ifadə edən orijinal məqalələrin dərcinə üstünlük verməkdən ibarətdir.
Bu jurnal Azərbaycan Respublikasının Prezidenti yanında Ali Attestasiya Komissiyası (tərəfindən) dissertasiyaların əsas nəticələrinin dərc olunması tövsiyə edilən dövri elmi nəşrlər siyahısındadır. Azərbaycan Dövlət İqtisad Universiteti “Azərbaycan Dövlət İqtisad Universitetinin elmi xəbərləri” jurnalı üçün 2012-ci ilin yanvar ayında “ISSN 2306-8426” Beynəlxalq Standart Seriya Nömrəsi almışdır.
“Azərbaycan Dövlət İqtisad Universitetinin elmi xəbərləri” jurnalında məqalələr 2013-ci ildən üç dildə (Azərbaycan, ingilis və rus dillərində) rübdə bir dəfə dərc edilir.
“Azərbaycan Dövlət İqtisad Universitetinin elmi xəbərləri” jurnalı yüksək nüfuzlu elmmetrik bazalara düşmək kimi hədəf seçmişdir. Bu istiqamətdə bir sıra işlər görülmüşdür:
ədəbiyyatlara istinad edilməsi beynəlxalq standartlara uyğunlaşdırılmışdır. Daxil olmuş hər bir məqaləyə iki gizli rəyçi təyin olunur və onların müsbət rəyi əsasında və “Strikeplagiarism” antiplagiat sisteminin yoxlanışından müvəffəqiyyətlə keçən məqalə növbəti saylarda dərc edilməsi üçün qəbul olunur. Resenzentlər öz rəyini beynəlxalq standartlara uyğun tərtib olunmuş blank formasını doldurmaqla bildirirlər.
Jurnal elmin müxtəlif sahələri üzrə çalışan mütəxəssislər, doktorant və tələbələr, elmi işçilər üçün nəzərdə tutulmuşdur.